«Excellent», կամ էլի բլոգի վիճակագրության մասին

Իհարկե, որոշ մարդիկ ինձ արդեն սկսել են մեղադրել, թե բլոգի վիճակագրության առաջ ավելի շատ ժամանակ եմ անց կացնում, քան հենց բլոգի առաջ, բայց դե դա էլ կարևոր է (տեսնելու համար, թե որ քոնթենթն է առավել էֆեկտիվ ու շարունակել նույն էշն առաջ քշել): Բայց վիճակագրությունը երբեմն նաև որոշ կուրիոզներ է մատուցում (ինքը բնավ ոչ վիճակագրական քոնթենթի հիմք դառնալով):

Ուրեմն՝ ի՞նչ են փնտրում մարդիկ, որ դուրս են գալիս իմ բլոգի վրա:

1. Առաջին տեղում «գերհոգնածությունն» է: Ի՞նչ կարող եմ ասել: Գերհոգնածներ՝ բարի գալուստ իմ բլոգ:
2. «բայանդուր պողոսյան»: Դե, առաջին (ու հազվագյուտներից մեկը) ադեկվատ փնտրումը: Հավանաբար զգալի մասն ազգականներս են, որոնց մեջ երբեմն-երբեմն սկսել են բամբասել բլոգիցս: Ես սպառնացել եմ շարունակելու դեպքում ավելի հաճախ նրանց անդրադառնալ:)))
3. «songoffall blogspot»: Սա երևի ընկերներս են: Կամ այլ ծանոթներ:
   
4. «sirayin toxer»՝ հուսով եմ, որ իմ այստեղ տեղադրածը ոչ մեկին որպես «սիրային SMS» չի գնա: Տխուր կլիներ ոգեշնչել մարդկանց, որոնցից, մեղմ ասած, հետ եմ տալիս:
5. «երաժշտության մասին». ներիր ինձ, տեր հայր, մեղանչել եմ: Երաժշտության առումով բլոգս բավականին թերանում է, քանի որ մեծ մասամբ այս թեմայով ֆորումում եմ գրում: Միգուցե և ուղղվեմ:
6. «զվարճալի պատմություն» փնտրողը, ենթադրում եմ, նայեց բլոգի դիզայնին ու հասկացավ, որ գուգլն իրեն խաբել է:
7. «sպungi games sպungi». այդ խոտից ես էլ եմ ուզում)))))))))
8. «songoffall, blogspot» տե՛ս տող 3: Հավանաբար՝ պակաս ծանոթ ու պակաս բառադի ծանոթներ:
9. «բուդդիզմ», դե հա, տեղ-տեղ անդրադառնում եմ, բայց ոչ այն հասանելիության մակարդակի, որ պետք լինի միջին վիճակագրական բուդդիզմով հետաքրքրվող հային:
10. «գեյ». պատկերացնում եմ՝ ինչքան է հիասթափվել ինտերնետում գեյ փնտրած ու փոխարենն ինձ ռաստված մարդը)))

Ու, ինչպես կարելի է գուշակել, ամենաշատ կարդացված գրառումս «Գերհոգնածությունն» է: Ադեկվատ չի, բայց ինձ հետ կապված ի՞նչն է ադեկվատ)))

P.S. Այս ամիս 750 դիտումները դեկտեմբերից գրեթե երկու անգամ արագ հավաքվեցին: Ի՞նչ կարող եմ ասել: Շնորհակալություն)))