Ավագ Արկանի խաղաթղթերը գուշակության մեջ, «The Magician» («Մոգը») խաղաթուղթը գուշակության մեջ

Հեղինակ՝ Բիլլ Հայդրիք: Աղբյուրն՝ այստեղ:

«The Magician» («Մոգը») խաղաթուղթը գուշակության մեջ

Ինքն իրենով.

Շարժուն, «սնդիկ», կենտրոնացման զգալի ուժով, ինտելեկտուալ: Հակված է հեշտությամբ հարմարվել տարբեր մարդկանց ու վայրերին: Կարող է անկայուն, անվստահելի լինել:

Ավագ Արկանի խաղաթղթերի հետ.

«Magician» ու «Fool» («Մոգն» ու «Հիմարը») Կրոնական առաջնորդ, մարդ, որն ունակ է մտածել վերամբարձ գաղափարների շուրջ: Հաճախ՝ չափազանցված էգոյով անձնավորություն:

«Magician» ու «High Priestess» («Մոգն» ու «Ավագ Քրմուհին») Երեխաները միասին են մեծանում կամ ռոմանտիկ հարաբերություններ անփորձ մարդկանց միջև: Առանձնացվածության պակաս: Մարդիկ, ովքեր «իրենց պահպանում են ամուսնության համար»՝ ընդամենը որ հետո պարզեն, որ ամուսնությունը չափազանց սահմանափակող ու պահանջկոտ է:

«Magician» ու «Empress» («Մոգն» ու «Կայսրուհին») Ընկերներ կամ սիրեկաններ խիստ տարբերվող շրջապատներից: Հատկապես, երիտասարդ տղամարդ՝ մեծահասակ կնոջ հետ:

«Magician» ու «Emperor» («Մոգն» ու «Կայսրը») Ընկերություն մեծահասակ ու երիտասարդ տղամարդկանց միջև: Աշխատանքային պայմաններ, երբ աշխատողը դուր է գալիս պետին:

«Magician» ու «Hierophant» («Մոգն» ու «Հիերոֆանտը») Խանդ ու սեփականատիրական հակումներ: Հեշտությամբ կարելի է ուղղել ընդհանուր նպատակի հասնելու համար համագործակցության միջոցով:

«Magician» ու «Lovers» («Մոգն» ու «Սիրեկանները») Երրորդ կողմ երկկողմանի իրավիճակում: Սովորաբար՝ լուրջ միջամտություն, բայց եթե խնամքով լուծվի, արդյունքում կարող է լավ իրավիճակ ստեղծվել:

«Magician» ու «Chariot» («Մոգն» ու «Մարտակառքը») Ուժի իրավիճակ: Հատկապես՝ սեփական «բանն» անելու զորություն: Արհեստանոց՝ հենց անհրաժեշտ գործիքներով: Մարդ, որն ամեն ինչ ունի ինչ-որ բանի հասնելու համար:

«Magician» ու «Strength» («Մոգն» և «Ուժը») «Փափուկ» հաջողություն: Ունակ անձնավորություն, որը շատ բաներ է լավ անում:

«Magician» ու «Hermit» («Մոգն» ու «Ճգնավորը») Շատ ուժեղ մտքով մարդ: Շատ խելացի, շատ ուշադիր մանրամասների նկատմամբ: Կարող է թուլանալու հետ կապված  դժվարություններ ունենալ: Կարող է չափազանց մեծ հակում ունենալ մարդկանց վերլուծելու նկատմամբ:

«Magician» ու «Wheel of Fortune» («Մոգն» ու «Բախտի Անիվը») Իրավիճակ, որը կարևոր ասելիք ունի: Բաներ անել ուրիշ մարդկանց անունից: Փոխառված հեղինակություն:

«Magician» ու «Justice» («Մոգն» և «Արդարությունը») Մեկն, ով վախեցնում է, ով ակնածանք է առաջացնում արագության ու կարևորության շնորհիվ: Պրոֆեսիոնալ վարք:

«Magician» ու «Hanged Man» («Մոգն» ու «Կախված Մարդը») Հանելուկային անձնավորություն, ով ինչ-որ բան է անում ավելի շատ ուրիշների վրա դրա թողած ազդեցության, քան սեփական շահի համար:

«Magician» ու «Death» («Մոգն» ու «Մահը») Մարդ, ով միշտ հրաշքով է փրկվում: Սա կարող է ներառել մարդկանց, ովքեր որոշ ժամանակով անհետանում են, հետո հանկարծակի հայտնվում: Անակնկալ հյուրեր: Մոռացված բարեկամի վերադարձ:

«Magician» ու «Temperance» («Մոգն» ու «Համբերությունը») Շատ հարմարվողական անձնավորություն: Մեկն, ով արագ է փոխվում ու սովորում: Ձեռքերի վարպետություն:

«Magician» ու «Devil» («Մոգն» ու «Սատանան») Վատ հեղինակություն, չափի զգացողության բացակայություն: Մարդ, որը հաջողակ է բույսերի ու կենդանիների հետ: Մտքով օժտված հովատակ: Ուղեղով աղվես:

«Magician» ու «Tower» («Մոգն» ու «Աշտարակը») Դժվարին ու վտանգավոր իրավիճակ: Ակնհայտ տաղանդով օժտված անձնավորություն, ով անընդհատ ձգտում է իրականացնել գրեթե անհնարինը: «Թոկից փախած»:

«Magician» ու «Star» («Մոգն» ու «Աստղը») Վարձատրություն բարդ աշխատանքի համար: Դժվարին պայմանների իրականացում: Հանգստանալու իրավունք:

«Magician» ու «Moon» («Մոգն» ու «Լուսինը») Մեկն, ով հոգատար է մանրամասների վերաբերյալ: Իրեր վերանորոգող կամ առկա իրերը փոփոխող անձնավորություն:

«Magician» ու «Sun» («Մոգն» ու «Արևը») Մարդ, ով կարող է բուժել թե՛ մտքի, թե՛ մարմնի հիվանդությունը:

«Magician» ու «Judgment» («Մոգն» ու «Դատաստանը») Վերակացու: Մեկն, ով ստիպում է մարդկանց անել այն, ինչ ինքնուրույն չէին անի: Բանտապահ: Շարային պատրաստության հրահանգիչ:

«Magician» ու «World» («Մոգն» ու «Աշխարհը») Մարդ, ով գեղեցկություն է ստեղծում ուրիշների համար: Հասարակական աշխատանքների ճարտարապետ: Մարդ, որ ավելի շատ իր տան արտաքինով է հետաքրքրվում, քան ներքինով: